Requisitos e cotas

Documentación necesaria 

• Unha fotografía.
• DNI ou sinatura electrónica. (*)
• Título (Licenciatura ou Grao en Bioloxía). 
  Se aínda non se posúe o Título deberá presentarse unha Certificación do Pagamento dos Dereitos de Expedición do Título.
• Nº de Conta bancaria (IBAN e CC) 

Cota de inscrición (pago único)

• 0,00 €. Precolexiados/as.
• 15,00 €. Licenciados/as ou Graduados/as (data remate de estudos) nos últimos 12 meses ou realizando un master segundo o indicado na Xunta Xeral de 26/04/24.
• 35,00 €. Licenciados/as ou Graduados/as (data remate de estudos) fai máis dun ano.

Cotas anuais

• Normal: 150 euros
• Normal reducida: 75 euros. O 50% da cota normal durante o primeiro ano de colexiación para os/as graduados/as nos derradeiros 12 meses ou colexiados/as residentes no estranxeiro (Segundo a decisión da Xunta Xeral de 26/04/24). 
• Reducida por desemprego: 60 euros (**)
• Por xubilación: 0.

Lembrade que as cotas poden deducirse do IRPF

No momento da solicitude de alta aboarase a cota de inscrición que corresponda e a parte proporcional da cota semestral (son páganse os meses que falta para o fin do semestre), a razón de 5,00 €/mes a cota reducida ou 12,5 €/mes a cota normal ou 6,25 €/mes a normal reducida. Estes pagos faranse en efectivo no caso da colexiación presencial, ou mediante transferencia bancaria no caso da colexiación on line.

Emítense dous recibos ao ano: un en xaneiro e outro en xullo, en cada caso pola metade do importe correspondente.

(*) no caso de asinar algún documento coa sinatura electrónica non fai falla o DNI.

(**) Xustificarase co documento correspondente (DARDE ou certificado do SGC)